Rito ro huma eka Mufambisinkulu
Eka GEMS ha yingisela loko swirho swi vulavula. Hi vona nkoka wa ku vulavurisana na ku va hi ya emahlweni ku vona leswaku mihlawulo ya mimbuyelo ya hina na vukorhokeri swi kongomane na swilaveko swa swirho swa hina.
Ndzi tsakile ku va ndzi ku tivisa hi mimbuyelo ya 2010. Eka burawuchara leyi, u kuma man'wana mahungu mayelana na nsirhelelo wa wena wa swa rihanyo lowu fikeleleka no tirheka, lowu wena tanihi xirho xa GEMS, u nga ta wu kuma hi 2010. Hi kombela leswaku u teka nhlawulo lowu nga ta fikelela swilaveko swa wena ni swa ndyangu wa wena.
a ku nga ri lembe ro olova kambe GEMS yi yile emahlweni yi humelela. Hi titwa hi tsakile ku va hi sirhelerile vutomi bya vanhu vo fika 1 000 000 GEMS, leswi endleke leswaku wena u va un'wana wa miliyoni leyi! Ku humelela loku ku veka Gems eka xiyimo xo sungula eka bindzu ra swikimi swa rihanyo, laha ku nga na mimbuyelo yo tihlamusela ha yoxe. Hi hina xikimi xa swa rihanyo xa vanhu vo karhi lexikulu etikweni, leswi ku endlaka xiphemu xa xikimi xa swa rihanyo xo tiya, no tiya eka swa timali, naswona hi tikela ku navela ka wena enhlokweni.
Ku tshikelela ka hina eka swilo swo hlawuleka i vumbhoni bya HINA bya ku tinyiketela eka wena, swilaveko swa rihanyo ra wena na mihlawulo ya WENA. Eka xiletelo lexi hi kombisa mihlawulo ya ntlhanu ya hina yo fikeleleka - ku ku pfuna leswaku u hlawula hi vukheta nhlawulo wa mbuyelo lowu nga ta fikelela swilaveko swa ndyangu wa wena hi 2010.
Mimbuyelo ya masungulo ya swirho ya 2009 ya ha ri kona hi 2010. Hi tlakusile na mipimo ya mimbuyelo leyi nga kona hi tlhela hi engetela yin'wana, tanihi mbuyelo wa Buloko wuntshwa eka nhlawulo wa Emerald. Ha tibumabumela hi ku tiva leswaku na hi nkarhi lowu wa ku tika ka ikhonomi lowu hi nga eka wona, hi ya emahlweni hi ku nyika swa rihanyo swo fikeleleka na swo hlawuleka.
Tihakelo ta 2010 ti sungula eka R424 naswona hi swi kotile ku vona leswaku ntlakuso wa tihakelo a wu hundzi eka mpimo-xikarhi wa 10,8% eka mihlawulo hinkwayo. Matafula ya tihakelo ta 2010 ya katsiwile eka xiletelo lexi, kutani u ta kota ku swi vona leswaku ntlakuso lowu wu khumba njhani xikhwama xa wena.
Eka 2010 hi tivisa Netiweke ya GEMS yintshwa, yi nga netiweke yo tinyiketela ya vaphakeri va vukorhokeri bya swa rihanyo lava nga ta fikelela swilaveko swa rihanyo swa swirho swa hina swa Sapphire na Beryl. Netiweke ya GEMS leyi yi ta siva Netiweke ya Ntshungulo wa Masungulo leyi swirho swa nhlawulo lowu a swi yi tirhisa eka malembe ya 3 lama nga hundza. Mahungu man'wana yo tsakisa ya timhaka leti mi ta tivisiwa wona eku heleni ka 2009.
Ndzi rhandza ku mi khensa hi nsiketelo wa n'wana wo ya emahlweni na ku mi navelela rihanyo lerinene eka 2010. Tsundzukani leswaku GEMS i mutirhikuloni eka ku kuma rihanyo lerinene.
Ndza mi rungula
Ku endla NHLAWULO wa wena.
swin'wana mayelana na mimbuyelo ya wena ya 2010 tihlanagnise na hina eka 0860 00 4337
Mihlawulelo ya rihanyo, na ntsako wa wena!
Ku tinyiketela ka hina. Nhlawulo wa wena
Emakumu ya lembe rin'wana na rin'wana hi nyika swirho swa hina nkarhi wo cincela eka nhlawulo wun'wana. Ku endla nhlawulo wa wena u fanele u rhanga u kamba swilaveko swa wena swa rihanyo, mimbuyelo leyi nga eka nhlawulo wun'wana na wun'wana na tihakelo ta nhweti na nhweti.
Hi kombela u xiyaxiya swinene hikuva u pfumeleriwa ku cinca nhlawulo wa wena kan'we hi lembe. Lko u lava ku cinca nhlawulo wa wena hi 2010, hi kombela u landzelela magoza manharhu lamo olova laha hansi. Tsundzuka leswaku fomo ya wena ya "Endla nhlawulo wa wena" yi fanele yi rhumeriwile eka hina ku nga se fika 30 Hukuri 2009.
Tihlanganise na hina eka
Riqingho 0860 00 4367
Xiletelo lexi xi katsakanya swiyenge swo hambana swa GEMS. Xi tirhiseriwa ntsena ku hatla u kuma leswi u swi lavaka naswona a xi sivi milawu ya Xikimi. Loko ku ri na nkwetlembetano, ku ta tirhisiwa milawu leyi nga rhejisitariwa.
